" ................................
Danti, Pitrarca, l'Ariuosto e Tassu
Vicienzu Monti, ccu Tumasu Gruossu
Dintr'a na manu li mpastu e l'ammassu
Li mintu e li zampiu dintra nu fuossu.
Mpruvvisu nu suniettu ad ogni passu
Sminuzzu la duttrina nsinu a l'uossu,
Tutti li Sammarchisi su ngnuranti:
Su puorci, su 'ncivili tutti quanti!
.................................
Sugnu na cosa bona e mi la vientu:
Vinissiru li duotti a cientu a cientu.

Cantisanu, Cristofaru e Cannila,
Lu mastru Ruoccu e ogn'autru prufissuri
Li fazzu stari tutti quanti nfila,
Li abbattu e li ripruovu a tutti l'uri,
Me paru cucuzielli di la Sila;
Scrivinu ccu sprupuositi ed arruri!
Su chiamati di tutti allittirati
Ppicchi li Sammarchisi su cicati "